21 лютага 2014 года ў рамках Міжнароднага дня роднай мовы ў нашай школе адбыўся Дзень беларускай мовы, у якім прынялі ўдзел бібліятэкар, настаўнікі і вучні школы. З самага ранку бібліятэкар Таццяна Васільеўна Саўко запрашала ўсіх паўдзельнічаць у акцыі “Размаўляй са мной па-беларуску”. На першым паверсе школы была арганізавана выстава-агляд “Далучыся да роднага слова”. У бібліятэцы можна было пазнаёміцца з цікавай інфармацыяй па дадзенай тэме, кнігамі. З вялікім задавальненнем вучні ўдзельнічалі ў віктарыне “Народная спадчына”. Не прайшла безвынікова і акцыя “Чытай па-беларуску”, якая многіх прымусіла спыніцца каля стэндаў і ўспомніць або проста прачытаць радкі з твораў беларускіх пісьменнікаў.

   Смотреть фото здесь