Архив новостей
04.03.2013
Тыдзень беларускай мовы і літаратуры
З 25 лютага па 2 сакавіка ў школе праходзіў Тыдзень беларускай мовы і літаратуры.
З 25 лютага па 2 сакавіка ў школе праходзіў Тыдзень беларускай мовы і літаратуры. Адкрыў тыдзень паэтычны калейдаскоп “Беларускія паэты пра роднае слова”. Энцыклапедыю аднаго слова складалі вучні 8 “А” класа разам са сваёй настаўніцай Бярынчык І.І.
У рамках тыдня вучням давялося шмат падарожнічаць. Першакласнікі здзейснілі падарожжа па роднай мове. Вучні 3 класа разам з бібліятэкарам Саўко Т.В. пабывалі ў фальклорным падарожжы “Беларускі скарб”. Вучні 5-х класаў наведалі Вайцяшынскі музей сялянскага побыту.
Большасць мерапрыемстваў хоць і праводзілася ў форме гульні, але насіла больш пазнавальны, навучальны характар, дзе вучням патрэбна было праявіць эрудыцыю, кемлівасць, веданне не толькі мовы, але і культуры, гісторыі Беларусі. Гульня “Пяць зорак” у 7 “Б” класе так і называлася – “Слова пра Беларусь”.
Вучні 7-х класаў наведалі востраў памылак. Ад іх патрабавалася добрае веданне арфаграфічных, лексічных, сінтаксічных нормаў беларускай мовы, каб выправіць усе памылкі, дапушчаныя Васем Двойкіным. З пастаўленай задачай сямікласнікі паспяхова справіліся.
Але, незалежна ад формы правядення, усе мерапрыемствы тыдня аб’яднала адна тэма – родная мова, яе гісторыя і сучаснасць.
