Архив новостей

09.02.2013

Падарожжа па Краіне Мовазнавіі

09.02.2013 года ў актавай зале школы сабраліся вучні 5-7 класаў, каб адправіцца ў падарожжа па Краіне Мовазнавіі.

     09.02.2013 года ў актавай зале школы сабраліся вучні 5-7 класаў, каб адправіцца ў падарожжа па Краіне Мовазнавіі. Тры каманды – “Пралескі”, “Дзьмухаўцы”, “Незабудкі” – наведалі пяць станцый, на якіх іх чакалі заданні.
     На станцыі “Лінгвістычнай” хлопчыкам і дзяўчынкам трэба было суаднесці лінгвістычныя паняцці з іх значэннямі, а таксама праявіць кемлівасць у складанні фразеалагізмаў.
     А вось на станцыю “Правільную” раней за іншых падарожнікаў трапіў Вася Двойкін, які дапусціў шмат памылак у напісанні слоў. І цяпер дзеці выпраўлялі гэтыя памылкі.
     На станцыі “Цікавай” падарожнікаў чакалі не толькі пытанні на кемлівасць, але і цікавая інфармацыя: якая мова самая распаўсюджаная ў свеце, колькі літар у самым доўгім слове…
     Самымі эрудыраванымі аказаліся “Пралескі”, але для ўсіх дзяцей падарожжа было цікавым і пазнавальным.
     Гульня была праведзена да Міжнароднага дня роднай мовы.