Другога красавіка – значная дата ў гісторыі нашага народа. Гэта Дзень яднання народаў Беларусі і Расіі.
Менавіта ў гэты дзень, дваццаць шэсць гадоў таму назад прэзідэнты абедзвюх краін падпісалі дагавор аб садружнасці Беларусі і Расіі, гістарычны дакумент аб саюзным будаванні, выконваючы волю нашых народаў. Вось гэта і ёсць самае галоўнае ў нашым саюзе – воля і думка народаў.
У сувязі з гэтай датай у нашай школе праведзены класныя гадзіны, конкурс малюнкаў. Вучні і настаўнікі нашай школы падрыхтавалі канцэртную праграму, з якой выступілі перад вучнямі і педагогамі Здзітаўскай сярэдняй школы. Вядучыя расказалі аб прадпасылках утварэння садружнасці Беларусі і Расіі. Гледачам былі прадстаўлены патрыятычныя песні беларускіх і рускіх аўтараў, вершы пра дружбу нашых народаў, агульныя трагедыі і агульныя перамогі.
Хочацца сказаць словы ўдзячнасці за цёплы прыём, за шчырыя апладысменты педагогам і вучням Здзітаўскай СШ. Спадзяёмся, што супрацоўніцтва абедзвюх школ будзе працягвацца.